Ońtústik-Batys Qytaıdaǵy nóser jańbyrdan 120 myńnan asa adam zardap shekti

BEIJІŃ. QazAqparat – Qytaıdyń ońtústik-batysyndaǵy Sychýan provıntsııasyndaǵy qatty nóser jańbyr 120 myńnan asa adamnyń qalypty ómirin buzdy, jergilikti bılik 4,6 myńnan asa adamdy evakýatsııalaýǵa májbúr boldy. Mundaı derekterdi Sychýan provıntsııasyndaǵy sý tasqynymen men qurǵaqshylyqpen kúres jónindegi shtab jarııa etti, dep habarlaıdy QazAqparattyń menshikti tilshisi.

Jumadan bastap Sychýan provıntsııasynda nóser jańbyr jaýyp, 14 ózendegi sý deńgeıin kóterdi. Apat aımaǵynda 120 myńnan asa adam boldy, 4,6 myńnan asa adam qaýipsiz jerlerge kóshirildi.

200 turǵyn úı qurylysyna zaqym keldi, kóshkin saldarynan joldardyń biraz bóligi oırandalǵan. Aýyl sharýashylyǵyna paıdalanylatyn jerlerdiń 4,6 myń gektaryn jańbyr shaıyp ketti. Sychýandaǵy tikeleı ekonomıkalyq shyǵyn 176 mln ıýan ($27 mln) bolyp otyr.

Sychýan provıntsııasynyń birqatar qalalarynda sý tasqynyna jedel áser etýdiń eń joǵary deńgeıi engizildi.