Ońtústik Azııadaǵy sý tasqynynan 160-tan astam adam qurban boldy
ASTANA. QazAqparat - Ońtústik Azııa elderinde jaýyn 160-tan astam adamnyń ólimine sebepshi boldy. Bul týraly Reuters habarlady.
Sonymen, Nepal, Bangladesh, Úndistan tabıǵattyń tosyn minezine tap boldy.
Adam shyǵyny Nepalda kóp boldy. Onda 115 adam qaza taýyp, taǵy 38-i habar-osharsyz ketkender sanatynda. Jalpy eldiń 75 aýdanynyń 26-sy zardap shekti.
Bangladeshtiń soltústiginde 27 adam apat qurbanyna aınaldy. Jarty mıllıonnan astam adam úılerine ketýge májbúr boldy, olar qazir bosqyndarǵa arnalǵan shatyrlardy panalaýda.
Úndistandyq Bıhar shtatynda 10 shaqty, Assamda - 15 adam qaza tapty.
Qutqarýshylar sý basqan jerlerden óte almaı, tikushaqty paıdalandy.
Belgili bolǵandaı, Ońtústik Azııada jyl saıyn apat júzdegen adamnyń ómirin qıyp, birneshe mıllondyq shyǵynǵa ushyratady.
Eske salsaq, budan buryn Irandaǵy sý tasqyny jaıly habarlanǵan bolatyn.
