Ońtústik Azııa elderinde kún kúrt sýytyp ketti
ASTANA. QazAqparat - Ońtústik Koreıada eki kúnnen beri kýrorttar ornalasqan Chedjý aralyna áýe reısteri toqtatyldy. Araldy sońǵy 30-40 jylda túspegen qalyń qar basyp qaldy.
Araldaǵy demalys orynyna kelgen myńdaǵan adam kete almaı jergilikti áýejaıda qamalyp otyr. Qalyń qar men qatty jel Japonııada ushaqtar men poıyzdardyń qozǵalysyna kedergi keltirýde.
Gonkongte temperatýra +3 gradýsqa sheıin tómendedi, al sýbtropıkalyq klımatty aralda mundaı tómen aýa raıy 60 jyl buryn tirkelipti.
Qytaıda kóptegen jyldary bolmaǵan sýyq aýa raıy saldarynan bılik turǵyndarǵa jolǵa shyǵý qaýipti ekendigin eskertýde.
