Ońtústik Amerıkanyń Chempıondar lıgasynyń matchy tóbelespen aıaqtaldy
ASTANA. QazAqparat - «Penıarol» men «Palmeırastyń» arasynda ótken Ońtústik Amerıkanyń eń bedeldi klýbtyq týrnıri Lıbertadores kýbogynyń matchy polıtseıler, jankúıerler men oıynshylar arasyndaǵy jaǵa jyrtyspen aıaqtaldy.
Life.ru -dyń jazýynsha, brazılııalyqtardyń 3:2 esebimen jeńiske jetkenin aıqyndaǵan sońǵy ysqyryqtan keıin, alańdaǵy birneshe oıynshy tóbelese ketken. Janjaldy bastaýshylardyń arasynda «ıÝventýstyń» burynǵy oıynshysy, Brazılııa quramasy sapynda Konfederatsııa kýbogynyń jeńimpazy bolǵan Felıpo Melo da boldy.
Fýtbolshylardy tártipke shaqyrý úshin alańǵa polıtseıler men sarbazdar júgirip shyqqan. Biraq jaǵa jyrtys Montevıdeodaǵy lyq toly stadıonnyń trıbýnalaryna da aýysyp úlgerdi.
