Ońtústik Amerıkada 100 adam úsip óldi
ASTANA. Shildeniń 21-i. QazAqparat - Ońtústik Amerıkada 100-den astam adam úsikke shaldyǵyp óldi. Bul jóninde Rosbalt.rý. habarlaıdy. Mınýstyq temperatýra Brazılııada, Ýrýgvaıda, Argentınada jáne Perýde tirkeldi. Ǵalamshardyń ońtústik jartysharynda qazir qys mezgili bolǵanymen, buryndary mundaı sýyqtar bolmaǵan.
Life News habarlaýy boıynsha, Perýde - 112 adam sýyqtan ólgen, onyń ishindegi 42-si jas balalar. Sonymen qatar dárigerler elde ókpege sýyq tııýdiń jappaı beleń alǵandyǵyn habarlaıdy. Aınalasy birneshe kún ishinde ókpe qabynýynyń 172 oqıǵasy tirkelgen. Eldiń birqatar aýdandarynda aýanyń sýyqtyǵy rekordtyq kórsetkish - 23 gradýske jetken.
Ótken aptada Argentınada kún kúrt sýyp, el aýmaǵynda qalyń qar jaýdy. Sonyń saldarynan 16 adam úsikke shaldyǵyp mert bolsa, 12 adam jylyný úshin jaqqan ottyń tútinine tunshyǵyp ólgen. Qaıtys bolǵandardyń basym bóligi - belgili mekeni joq qańǵybastar.
Úkimet pen qoǵamdyq úıymdar Býenos-Aırestegi úısiz adamdarǵa tamaq pen jyly kıim berýdi uıymdastyrýda. Aýa raıyn boljaýshylar beısenbiden keıin kún jylynady dep otyr, biraq kúnniń qaıtadan buzylyp ketýi de múmkin.
