Ońtústik Afrıkada sý bógeti buzylyp, 3 adam qaza tapty

NUR-SULTAN. Anadoly-QazAqparat – Ońtústik Afrıka Respýblıkasynyń (OAR) Frı-Steıt provıntsııasynda shahta qoımasynyń sý bógeti buzylyp, úsh adam qaza tapty. Bul týraly QazAqparat Anadoly aqparat agenttigine silteme jasap habarlaıdy.

SABC telearnasynyń habarlaýynsha, oqıǵa ıAgersfonteın kenti mańyndaǵy qaraýsyz qalǵan almas kenishinde oryn alǵan. Tórt adam iz-túzsiz joǵaldy. Jergilikti bılik Charlsvıll aýyly men onyń tóńiregine úlken shyǵyn kelgenin habarlady. Kóptegen otbasylar úılerin tastap ketken. Frı-Steıt provıntsııasynyń premer-mınıstri Sısı Ntombela bógettiń buzylýy saldarynan kem degende 35 adam, onyń ishinde júkti áıeldiń jaraqat alǵanyn aıtty.

Apat bolǵan aımaqta elektr qýaty úzilip, jóndeý jumystary júrgizilýde.

Foto: Anadoly