Ońtústik Afrıkada ıesiz úıden órt shyǵyp, 60-tan astam adam qaza tapty

ASTANA. QazAqparat – Iohannesbýrgte úısiz adamdar mekendegen ǵımarat órtendi, dep habarlaıdy QazAqparat Euronews agenttigine silteme jasap.

Ońtústik Afrıkanyń Iohannesbýrg qalasynda bolǵan órtten 60-tan astam adam qaza tapty. Onyń ishinde bir bala bar.

Beısenbige qaraǵan túni bes qabatty ǵımaratta órt tutanǵan.

Iesiz qalǵan úıde 200-den astam úısiz adam zańsyz turyp jatqan bolatyn. 40-tan astam turǵyn aýrýhanaǵa jetkizildi.

Órt birneshe saǵattyń ishinde sóndirildi. Biraq ǵımarat ishinde adamdardy izdeý jalǵasyp jatyr.

Órttiń tutaný sebebi ázirge belgisiz.