Ońtústik Afrıkada 31 adam tyrysqaqtan qaıtys boldy

ANKARA. ANADOLY - QazAqparat - Ońtústik Afrıkada aqpan aıynda bastalǵan indetten qaıtys bolǵandar sany 31-ge jetti, dep habarlaıdy QazAqparat Anadoly agenttigine silteme jasap.

Jergilikti BAQ-tyń habarlaýynsha, Gaýteng provıntsııasynda 29 adam, Frı-Steıt jáne Mpýmalanga provıntsııalarynda taǵy eki adam qaıtys bolǵan.

Jalpy Ońtústik Afrıkada tyrysqaq ınfektsııasynyń zerthanalyq rastalǵan 166 jaǵdaıy anyqtalsa, taǵy 202-si dárigerlerdiń baqylaýynda. Bılik buǵan deıin 22 adam qaıtys bolǵanyn habarlady.

Ońtústik Afrıka prezıdenti Sırıl Ramafosa indet oshaǵyna aınalǵan Hammanskraal qalasyna bardy. Ol bılik tyrysqaq indetimen kúresý úshin barlyq qajetti sharalardy qabyldaıtynyn aıtty.

Esterińizge sala keteıik, Dúnıejúzilik densaýlyq saqtaý uıymynyń (DDSU) málimeti boıynsha, 43 elde 1 mıllıardtan astam adam tyrysqaq aýrýymen aýyrady. Bul indettiń qanshalyqty qaýipti jáne qaı elderge qaýip tónip turǵanyn myna jerden oqýǵa bolady.