Ońtústik Afrıkada 15 eldiń balýandary qazaq kúresinen synǵa tústi
ASTANA. QazAqparat - Ońtústik Afrıka Respýblıkasynyń Keıptaýn qalasynda tól sportymyz qazaq kúresinen jarys ótti, dep habarlaıdy QazAqparat tilshisi.
Dúnıejúzilik qazaq kúresi federatsııasynyń uıymdastyrýymen ótken Afrıka chempıonatyna 15 memleketten kelgen eń myqty balýandar baq synady.
Atalǵan dodada jeńimpazdar men júldegerlerge aqshalaı syılyqtar jáne baǵaly zattar tabys etildi.
Jarystan keıin Dúnıejúzilik qazaq kúresi federatsııasynyń birinshi vıtse-prezıdenti Serik Tókeev jýrnalısterge bergen suhbatynda qurlyq chempıonatynyń deńgeıi jyldan jylǵa ósip kele jatqanyn atap ótti. Ol sondaı-aq, bıyl alǵash ret eki salmaq boıynsha əıelder arasynda beldesýler ótkenin osy jarystyń basty ereksheligi dep baǵalady.
