Ońtústik Afrıka turǵyny Atlant muhıtyn taqtaıshamen júzip ótti
ASTANA. QazAqparat - Ońtústikafrıkalyq Krıs Bertısh eskek jáne taqtaıshamen Atlantıkany júzip ótken álemdegi tuńǵysh adam atandy, dep habarlaıdy The Guardian.
Bertısh bul saparyn 93 kún buryn Marokkonyń Agadır qalasynan bastady. Keshe, beısenbi kúni Karıb teńizindegi Antıgýa aralyna jergilikti ýaqytpen 8:32-de jetti.
Qyryq eki jastaǵy er adam saparlaǵan alty metrlik taqtaıshasyn 120 myń dollarǵa satyp alǵan. Ony brıtandyq qaıyq jasaýshy Fıl Morısson arnaıy Bertısh úshin alty aı boıy jasaǵan.
Taqtaıdyń aldyńǵy bóliginde Bertısh uıyqtaǵan kishigirim kaıýta bar. Onda saparǵa qajetti qural-jabdyqtar, GPS júıeleri, radıo, avtopılot, spýtnıktik telefon, kún panelderi jáne sý qory saqtalǵan.
Sapar barysynda ol «akýlalarmen, daýyldarmen jáne jalǵyzdyqpen betpe-bet keldi», - dep jazdy The Guardian.
Jalpy eseppen ońtústikafrıkalyq saıahatshy kúnine 69 shaqyrym júzip otyrǵan. Sońǵy kúni barynsha tyrysyp, 96,5 shaqyrymdy eńsergen.
