Ońtústik Afrıka Respýblıkasynda motory janǵan Boeing 767 ushaǵy sátti qondy
NUR-SULTAN. QazAqparat - Ońtústik Afrıka Respýblıkasynda motory janǵan Boeing 767 ushaǵy sátti qondy. Oqys jaǵdaıǵa áýe kemesiniń qustarmen soqtyǵysýy sebep bolýy múmkin, dep habarlaıdy QazAqparat The Sun basylymyna silteme jasap.
Air Zimbabwe áýe kompanııasynyń ushý kezinde qozǵaltqyshynan aqaý shyqqan Boeing 767 ushaǵy Iohannesbýrg mańyndaǵy Tambo áýejaıyna qondy. Oǵan quspen soqtyǵysýy sebep bolýy múmkin.
Iohannesbýrgten Hararege bara jatqan ushaq Zımbabve astanasyna jergilikti ýaqytpen 20:41-de qonýy tıis bolatyn.
Oqıǵanyń egjeı-tegjeıi ázirge belgisiz.
