Ońtústik Afrıka Respýblıkasynda «Boıng» ushaǵy apatty jaǵdaıda qondy
ASTANA. QazAqparat - «Boıng-737» laıneri OAR astanasy Iohannesbýrg áýejaıyna apatty jaǵdaıda qondy. Buǵan ushaq dóńgeleginiń zaqymdanýy sebep boldy.
News24 agenttigi habarlaǵandaı, oqys oqıǵa jeksenbi kúni keshke oryn alǵan. Ushaq «FlySafari» ońtústikafrıkalyq bıýdjettik áýe kompanııasyna tıesili. Áýe kompanııasanda atap ótkendeı, «Boıng» dóńgelegi Keıptaýndaǵy ushý jolaǵynda zaqymdanǵan.
- Ázirge naqty sebebin bilmeımiz. Ádette bul ushý jolaǵynyń tegis bolmaýy saldarynan bolady, - dedi «FlySafari» ókili Kırbı Gordon.
Jolaýshylar atap ótkendeı, olar Iohannesbýrgte ekinshi áreketinen keıin ǵana qondy.
