Ońtústik Afrıka astanasynda sońǵy 10 jylda alǵash ret qar jaýdy

IOHANNESBÝRG. QazAqparat – Iohannesbýrg – Ońtústik Afrıka Respýblıkasy astanasynyń turǵyndary dúısenbi kúni tańerteń terezeden erekshe kórinis kórdi. Qalada sońǵy 10 jylda alǵash ret qar jaýdy, dep habarlaıdy QazAqparat Africa News-ke siltememen.

Sınoptıkterdiń málimetinshe, qalaǵa jáne Ońtústik Afrıkanyń taýly aýdandaryna sýyq aýa aǵyny kelgen.
Meteoqyzmet joldardyń jabylýy jáne qaýipti tómengi temperatýra týraly eskertedi.
Gaýteng provıntsııasyndaǵy qar ótken aptanyń sońynda OAR-ǵa kelgen sýyq aýa aǵyndarynan jaýǵan.
Mundaı aýa raıy – teńiz deńgeıinen 1700 metr bıiktikte ornalasqan Iohannesbýrg úshin sırek jaıt. Sońǵy ret qar munda 2012 jáne 1996 jyldary jaýǵan.
BBC News málimetinshe, bir apta boıy aýa raıy sýyq bolady.
Qar birqatar provıntsııalarda, sonyń ishinde Shyǵys Keıp, Mpýmalanga jáne Iohannesbýrg pen Soýeto kiretin Gaýteng aımaǵynda tirkeldi.