«Ońtústik» AEA-da Sıanıandik toqyma ónerkásibi parki óz ókildigin ashady
ASTANA. QazAqparat - 2017 jyly 31 qańtarda jarııalanǵan «Qazaqstannyń úshinshi jańǵyrýy: jahandyq básekege qabilettilik» atty Elbasynyń joldaýyna sáıkes, QR Investıtsııa jáne damý mınıstrligi ınvestıtsııalyq qyzmetti kóterýge tıis alǵashqy baǵyttardy belgiledi. «QR AEA-na ınvestıtsııa tartý jumystaryn kúsheıtý» - osy alǵashqy baǵyttardyń biri bolyp tabylady, dep habarlaıdy sez-ontustik.kz saıty.
Osylaı, Elbasynyń Joldaýyn iske asyrý maqsatynda jáne OQO-nyń ınvestıtsııalyq tartymdylyǵyn damytý maqsatynda aımaq basshysy Janseıit Túımebaevtyń bastamasymen «Ońtústik» arnaıy ekonomıkalyq aımaǵynyń basqarýshy kompanııasy» 2017 jyldyń 1-6 maýsymy aralyǵynda QHR-ǵa resmı is-saparymen baryp qaıtqan bolatyn. Qazaqstandyq delegatsııanyń quramynda «Ońtústik» AEA BK» AQ basqarmasynyń tóraǵasy Dildábaev M., «Ońtústik» AEA BK» AQ basqarma tóraǵasynyń orynbasary A. Tursynǵalıev, «Shymkent» ÁKK UK» AQ basqarma tóraǵasy A. Aldajarov boldy.
Іs-sapar barysynda yntymaqtastyqty odan ári damytý maqsatynda kelissózder júrgizilip, Sıanıan toqyma ónerkásiptik «Sınsın» parki «Ońtústik» AEA» tekstıl salasyn damytý maqsatynda resmı ókildigin ashý týraly memorandýmǵa qol qoıyldy.
Osylaısha, taıaý ýaqytta QHR-daǵy «Ońtústik» AEA ókildigi óndiristik qabattyń jańa múmkindikterin keńeıtý, sondaı-aq jalpy elder arasyndaǵy ınvestıtsııalyq ahýaldy jaqsartýǵa jáne mańyzdy ınvestorlardy tartýǵa baǵyttalǵan ınvestıtsııalyq, ınnovatsııalyq óndiristerdi iske qosý jumystaryn bastaıdy.
Birlesken qyzmetke alǵashqy qadam jobalyq iske asyrý quny 100 mln. AQSh dollary bolatyn "Sıanıandik toqyma korporatsııasy" AQB jip ıiretin fabrıkasyn salý bolatynyn aıta ketken abzal.
QHR aýmaǵyndaǵy 11 000-nan astam adam jumys isteıtin "Sınsın" ("Xinxing") - Sıanıandik toqyma ónerkásiptik parki QHR-daǵy eń iri ónerkásiptik aımaqtardyń biri bolyp tabylady. Jer aýmaǵy boıynsha 10 000 gektardy quraıdy. Toqyma ónerkásibi salasyndaǵy jobalardy júzege asyryp, sondaı-aq óndiristik park retinde basqa da salalarda óz qyzmetin júrgizedi. Óndiristik aımaqta ónim múmkindikterin iske asyratyn «Zara», «Pierre Cardin», «Massimo Dutti», «Hugo Boss», «Pull&Bear» sııaqty iri brentik korporatsııalar jumys isteıdi.
Sondaı-aq, park rezıdentterdiń biri dúnıejúzilik avtoprom parkiniń kóshbasshysy «KIA Motors Corporation» kompanııasy bolyp tabylady.
