Ońtaılandyrylǵan JOO stýdentteri basqa oqý oryndaryna oqýǵa qosymsha aqysyz aýysatyn bolady - QR BǴM
ASTANA. 12 sáýir. QazAqparat - Qazaqstandyq ońtaılandyrylǵan joǵary oqý oryndarynyń stýdentteri basqa oqý oryndaryna oqýǵa tólem aıyrmashylyǵynsyz aýysady, dep habarlady Rrimeminister.kz saıtyna bergen suhbatynda QR BǴM Bilim jáne ǵylym salasyndaǵy baqylaý jónindegi komıtet tóraǵasy Serik Yrsalıev.
«Bilim mınıstrligi óz tarapynan bul stýdentterge basqa ýnıversıtetterge tólem jáne oqý baǵdarlamasyn ıgerý aıyrmashylyǵynsyz aýysýǵa barynsha járdem kórsetedi», - dedi S.Yrsalıev.
Sonymen qatar, ol zańnamalyq deńgeıde oqý oryndarynyń quryltaıshylary JOO jabylǵan jaǵdaıda óz stýdentterin basqa oqý oryndaryna ornalastyrýǵa mindetti ekenin atap ótti.
Jalpy, vedomstvo málimeti boıynsha, elimiz boıynsha komıssııa jumysy aıasynda 2015 jylǵa qaraı JOO-yn ońtaılandyrý máselesi sheshiledi. 149 joǵary oqý ornynan shamamen 100-in qaldyrý kózdelgen, dep habarlady Úkimet basshysynyń resmı saıtynan.
