Ońtaılandyrýǵa jatatyn JOO-lardyń stýdentteri zardap shekpeýi qajet - K.Másimov
ASTANA. 6 jeltoqsan. QazAqparat /Marlan Jıembaı/ - Ońtaılandyrýǵa jatatyn JOO-lardyń stýdentteri zardap shekpeýi qajet.
Bul týraly búgin Úkimet otyrysynda QR Premer-Mınıstri Kárim Másimov aıtty.
Tehnıkalyq jáne kásibı bilim berý júıesindegi is-sharalar josparyn tanystyrǵan Bilim jáne ǵylym mınıstri Baqytjan Jumaǵulovtyń atap ótýinshe, búgingi tańda elimizdegi joǵary oqý oryndarynda syrttaı bilim alatyn jastardyń sany shekten tys kóp bolyp otyr. Bul olardyń kásibı biliktiliginiń tómendeýine áser etedi. Sondyqtan da aldaǵy 3-4 jyldyń ishinde joǵary blim berý salasyndaǵy sapasy tómen birqatar oqý ornyn qysqartý josparlanýda.
Osy oraıda atalǵan baǵdarlamanyń búgingi kúnge qajettiligi joǵary ekendigin aıta kele Úkimet basshysy mınıstrdiń nazaryn birqatar mańyzdy baǵytqa aýdardy.
«Birinshiden, Siz usynyp otyrǵan ońtaılandyrýǵa jatatyn joǵary oqý oryndarynda bilim alyp jatqan stýdentter zardap shekpeý qajet. ıAǵnı, bilim ala bastaǵan stýdentterdiń basqa joǵary oqý oryndarynda sol oqýyn jalǵastyrý úshin jaǵdaı jasaý qajet», dedi.
Sonymen qatar Premer-Mınıstr Memleket basshysy N.Nazarbaev aıqyndaǵan elimizdiń damý baǵyttaryna JOO-lardyń mamandyqtary men bilim alǵan stýdentterdiń áleýeti sáıkes kelýi kerektigin aıta kele, bilim alǵan stýdentterdiń jumys úderisine áleýetti túrde aralasýy qajettigine de nazar aýdardy.
Úkimet basshysynyń úshinshi basa nazar aýdarǵan máselesi joǵary oqý oryndaryna baǵyttalatyn resýrstardyń qaıda jumsalatyndyǵy boldy. «ıAǵnı, bul qarjylar Memleket basshysy atap ótkendeı, ǵylymdy damytýǵa, bilim berý sapasyn arttyrýǵa jaratylýy kerek» - dedi ol.
