Ońtaılandyrý joǵary oqý oryndaryn jabýǵa baǵyttalmaǵan
ASTANA. 24 tamyz. QazAqparat - Qazaqstannyń JOO qaýymdastyǵynyń prezıdenti Rahman Alshanov Pm.kz saıtymen elimizdegi joǵary oqý oryndaryn ońtaılandyrý sheńberinde qýaty az ýnıversıtetterdi biriktirý arqyly irilendirý týraly pikirimen bólisti.
Elimizdegi joǵary oqý oryndaryn ońtaılandyrýdyń naqty negizderi jáne tıimdi quraldary bar. Az kólemdi JOO úshin eń jaqsy tásil irilendirýge barý, bul stýdentter men oqytýshylardyń quramyn saqtap qalýdyń ymyraly sheshimi bolmaqshy.
Qazir Qazaqstan JOO ońtaılandyrý maqsatyn ustanýda, sebebi, ókinishke oraı birqatar JOO qajetti bilim bermeıdi nemese stýdentter úshin qajetti materıaldyq-tehnıkalyq bazasy joq.
Ońtaılandyrý JOO jabýǵa baǵyttalmaǵan. Ol oqý oryndaryn irilendirýdi kózdeıdi.
Almaty, Shymkent, Qaraǵandy sııaqty kóptegen iri qalalarda ýnıversıtetterdi irilendirip, qajetti materıaldyq-tehnıkalyq jáne oqytýshylyq bazasy bar, ıaǵnı básekege qabiletti bilim bere alatyn oqý oryndaryn qurýǵa bolady.
«Kóptegen oqý oryndary ońtaılandyrýǵa barýy qajet dep oılaımyn, bul bilim berý sapasyn arttyryp jáne stýdentter úshin qajetti jaǵdaılar týǵyzýǵa múmkindik beredi»,- dedi R.Alshanov óz sózinde.
QR BǴM málimetterine qaraǵanda, qazirgi kezde buryn jumys istep turǵan 146 JOO ornyna 143 oqý oryny bilim berýdi jalǵastyrady.
Esterińizge sala keteıik, «Qazaqstandy áleýmettik jańǵyrtý: Jalpyǵa Ortaq Eńbek Qoǵamyna qaraı jıyrma qadam» atty baǵdarlamalyq maqalasynda QR Prezıdenti N.Á.Nazarbaev bilim berý mekemelerin ońtaılandyrý týraly tapsyrma bergen bolatyn.
