Ontake janartaýy eteginde 150 adam qalyp qoıdy
ASTANA. QazAqparat - Nagano prefektýrasy aýmaǵynda oıanǵan Ontake janartaýy eteginde 150-ge jýyq adam qalyp qoıdy. Bul týraly japondyq BAQ habarlady.
Janartaýdyń kenetten atqylaýy sol aýmaqta bolǵan 200-den astam alpınıst pen týrısterdi dúrbeleńge saldy. Olardyń shamamen alpysqa jýyǵy shuǵyl tómenge tústi. Al qalǵandary aýany torlaǵan kúlge baılanysty Ontake betkeıindegi eki lagerge tyǵylýǵa májbúr boldy. Olardy qaýipsiz jerge kóshirýge shuǵyl órtten qutqarý basqarmasynyń 80 qyzmetkeri jiberildi.
Qazirgi ýaqyttaǵy málimetterge qaraǵanda, segiz adam zardap shekken. Olardyń biri aýrýhanaǵa jetkizildi, jaǵdaıy aýyr, al qalǵandary jeńil jaraqattanǵan.
Sondaı-aq tórt alpınısti janartaý kúli basyp qaldy degen de málimet bar. Olardyń birin qutqarýdyń sáti túspedi. Kem degende bir adam iz-túzsiz joǵalǵan.
