Óńirlerdegi bazarlarda deldaldardyń qyzmetine shekteý qoıylmaq
ASTANA. KAZINFORM - Qazaqstan Respýblıkasynyń Saýda jáne ıntegratsııa mınıstrligi Premer-mınıstrdiń tapsyrmasyn oryndaý aıasynda eldegi bazarlarda ónimsiz deldaldardy qysqartý jumysyn jandandyrdy.
Mınıstrliktiń baspasóz qyzmetiniń habarlaýynsha, negizgi nazar baǵanyń negizsiz ósýine áser etetin faktorlardy joıýǵa jáne ashyq taýar ótkizý tizbekterin qalyptastyrýǵa baǵyttalǵan.
16 sáýir kúni QR SIM Saýda komıtetiniń tóraǵasy Ernur Jáýtikbaev Túrkistan qalasynda Túrkistan, Qyzylorda, Jambyl oblystary men Shymkent qalasynyń bazar ıeleri jáne saýda nysandary ákimshilikteriniń qatysýymen keńes ótkizdi.
Іshki saýda qaǵıdalaryn jetildirý aıasynda zańnamalyq deńgeıde bólshek saýda júzege asyrýshylar men kóterme jetkizýshilerdiń arajigi ajyratyldy. Osylaısha satyp alý-satý úderisine qatysýshylardyń quramy júıelenip, qosylǵan qun qalyptastyrmaıtyn, biraq jetkizý tizbegindegi sońǵy baǵaǵa áser etetin ónimsiz deldaldardyń qatysýy shekteldi.
Osyǵan deıin Úkimet basshysy iri kóterme bazarlardaǵy zańsyz áreketter týraly aıtqan bolatyn.
