Óńirlerde sý tasqynyna qarsy qandaı keshendi is-sharalar júrgizilip jatyr
ASTANA. KAZINFORM – Elimizdiń ártúrli óńirlerinde sý basý qaýpin azaıtýǵa baǵyttalǵan aldyn alý jáne ınjenerlik jumystar belsendi júrgizilip jatyr. Bul is-sharalarǵa azamattyq qorǵaý qyzmetteri qatysady. Bul týraly TJM baspasóz qyzmeti habarlady.
Sý tasqynynyń aldyn alý úshin muz qabatyn álsiretýdi, ózen jaǵalaýlaryn nyǵaıtýdy, sondaı-aq qardy shyǵarý men sýdy sorýdy qosa alǵanda, keshendi sharalar qabyldanyp jatyr. Bul is-sharalarǵa azamattyq qorǵaý qyzmetteri qatysady. Osy sharalardyń barlyǵy halyqtyń qaýipsizdigin arttyrýǵa jáne yqtımal sý tasqynynan bolatyn zalaldy barynsha azaıtýǵa baǵyttalǵan.
17 naýryzda Aqmola, Aqtóbe, Shyǵys Qazaqstan, Batys Qazaqstan, Qostanaı, Qaraǵandy jáne Soltústik Qazaqstan oblystaryndaǵy ózenderde jarylys jumystary júrgizildi.
— Azamattardan jarylys jumystaryn júrgizý kezinde tynyshtyqty saqtaýdy suraıdy. Sondaı-aq qutqarýshylar muzdyń tez erýine jáne jarylys jumystaryna baılanysty muzǵa shyqpaýǵa keńes beredi, — delingen Tótenshe jaǵdaılar mınıstrligi taratqan habarlamasynda.
Qardyń tez erýi Aqtóbe, Aqmola, Batys Qazaqstan, Jetisý, Qostanaı, Mańǵystaý oblystaryndaǵy 13 avtomobıl joldary arqyly erigen sý júrýine sebep boldy. Eldimekenderdi sý basý qaýpi joq, qyzmetterdiń kezekshiligi uıymdastyryldy.
Aqmola oblysynda sý tasqyny kezeńiniń qaýipsiz ótýin qamtamasyz etý maqsatynda ózenderdegi muz keptelisteriniń aldyn alý boıynsha jumys júrgizilip jatyr. Esil, Atbasar, Arshaly, Jarqaıyń, Shortandy jáne Bulandy aýdandarynyń aýmaǵy arqyly ótetetin Esil, Qyzylsý, Qaıraqty, Baqsyq, Jolboldy, Jabaı, Jylandy, Talqar jáne Qalqutan ózenderinde jarylys jumystary júrgizildi. Sondaı-aq Qopa kólinde Qylshaqty ózeninen sýdyń kedergisiz ótýi úshin jarylys jumystary júrgizildi.
Abaı oblysynda oblys ákimi Berik Ýálı TJD bastyǵy Manarbek Shapaǵatovpen jáne basqa da múddeli memlekettik organdarmen birlesip oblystyń ońtústik jáne ortalyq bóligine aerovızýaldy tekserý júrgizdi. Baǵalaýmen Maqanshy, Úrjar, Aıagóz, Kókpekti jáne Jarma aýdandary qamtyldy. Tekserý barysynda gıdrotehnıkalyq qurylystar, onyń ishinde qorǵanysh bógenderi jáne basqa da ınfraqurylymdyq qurylystar qaraldy, sondaı-aq jergilikti atqarýshy organdardyń kóktemgi kezeńde bolýy múmkin tótenshe jaǵdaılarǵa den qoıýǵa daıyndyǵy baǵalandy.
— Boljamdy derekterge súıene otyryp, TJD qutqarýshylary men TJM 68303 áskerı bóliminiń áskerı qyzmetshilerin Úrjar aýdany men Maqanshy aýdanyna jiberý týraly sheshim qabyldandy, olar aldyn alý jumystaryn oryndaýǵa kiristi. Jumys barysynda aryqtar men sý ótkizý qurylystary tazartyldy, bul erigen sýdyń kedergisiz aǵýyn qamtamasyz etýge jáne sý basý qaýpin azaıtýǵa múmkindik beredi. Eldi mekenderdi qorǵaý jumystary jalǵasyp jatyr, — delingen habarlamada.
Jetisý oblysynda oblystyń ákimdigimen birlesip Kerbulaq, Kóksý, Eskeldi aýdandarynyń jáne Tekeli qalasynyń sý tasqyny qaýpi joǵary aımaqtarynda komıssııalyq tekserý júrgizildi. Tekserý barysynda gıdrotehnıkalyq qurylystardyń, bógender men sý burý arnalarynyń jaı-kúıi tekserildi, ózen arnalarynyń qar qory men sý ótkizý qabilettiligi, sondaı-aq avarııalyq qyzmetterdiń daıyndyǵy baǵalandy. Eldi mekenderdi qorǵaýdy kúsheıtý boıynsha sheshimder qabyldandy. Sý tasqyny jaǵdaıyna monıtorıng táýlik boıy júrgiziledi.
Qaraǵandy oblysynda sý aıdyndaryndaǵy muz qabatyn álsiretý jumystary jalǵasyp jatyr. Aldyn alý sharalary sheńberinde Buqar Jyraý, Nura jáne Abaı aýdandarynyń sý tasqyny qaýpi bar ózenderiniń bes ýchaskesinde muz keptelisteriniń aldyn alý jáne tasqyn sýdyń kedergisiz ótýin qamtamasyz etý úshin jarylys jumystary júrgizildi. Shet aýdanynyń 4 eldi mekeninde temir jol boıyndaǵy aryqtardy qardan tazartý, Taldy, Nurataldy ózenderi boıyndaǵy butalar men aǵashtardy kesý, Aqsý-Aıýly kentiniń aınalma jolynyń boıynda qapshyqtar tóseý jumystary júrgizildi. Aqtoǵaı aýdanynda Qarasý aýylynyń mańynda 52859 TJM áskerı bóliminiń kúshterimen Qarasý ózeniniń jaǵalaý syzyǵyn nyǵaıtý jáne jer biligin kóterý jumystary júrgizildi.
Qostanaı oblysynda kóktemgi sý tasqynynyń aldyn alý maqsatynda tótenshe jaǵdaılar qyzmetkerleri qarqyndy jumys istep jatyr. Oblystyń birqatar aýdanynda arnaıy mobıldi toptar quryldy. Qazirgi ýaqytta tórt mobıldi top Arqalyq qalasynda, Amangeldi jáne Jangeldi aýdandarynda, sondaı-aq Qarasý aýdandarynyń aýyldarynda sý tasqynyna qarsy is-sharalardy júzege asyryp jatyr. Olar sý deńgeıin baqylaıdy, qaýipti aýmaqtardyń sý tazartý arnalaryn tazartady, qar tazalaý jumystaryn júrgizedi, bóget qurastyrady jáne ınertti materıaldarmen toltyrady, úılerdiń aýlalarynda qardy tazartady, turǵyn úı sektoryn aralaıdy, aryqtardy qardan tazartady.
Terisaqqan, Terekti, Jelqýar, Torǵaı, Tobyl, Timtýir, Toqanaı, Shuqyrsha, Sarytorǵaı jáne Qaratorǵaı ózenderinde muz keptelisiniń aldyn alý maqsatynda jarylys jumystary júrgizildi.
Soltústik Qazaqstan oblysynda kóktemgi sý tasqyny kezeńine belsendi daıyndyq júrgizilip jatyr. Іs-sharalar kesheni sý basý qaýpin azaıtýǵa jáne eldi mekenderdi qorǵaýǵa baǵyttalǵan. Óńirde sý tasqynyna qarsy aýqymdy jumystar jalǵasyp jatyr. Kóktemgi ózen tasqynyna daıyndyq aıasynda eldi mekenderden shamamen 1,5 mıllıon tekshe metr qar shyǵaryldy.
Negizgi sharalarǵa sý burý arnalary men nóser aǵyndaryn tazartý, bógender men qorǵanysh qurylystaryn nyǵaıtý, muz keptelisteriniń aldyn alý úshin jarylys jumystaryn júrgizý kiredi. Tótenshe jaǵdaılar qyzmeti sý basý qaýpin azaıtý jáne turǵyndardyń qaýipsizdigin qamtamasyz etý úshin táýlik boıy jumys isteıdi. Qyzyljar aýdanynda TJM 52859 áskerı bóliminiń kúshterimen polıpropılen shatyrlaryn tóseý, sondaı-aq qapshyqtardy daıyndaý jáne tóseý jumystary júrgizildi.
Aqtóbe oblysynda Oıyl aýdanynyń Oıyl aýylyndaǵy ýaqytsha úıindi kirme kópir arqyly sý tasqyny oryn aldy. Eldi mekenge qaýip joq, Oıyl ózeninde sý deńgeıiniń joǵarylaýy baıqalady. Ýaqytsha úıindi kópirde jol tóseminiń úıindisin nyǵaıtý jáne ulǵaıtý júzege asyrylýda, jumystar jalǵasýda. Aýylda azyq-túlik jáne dári-dármek qory bar, TJD toptamasy oqıǵa ornynda. Adamdardy ótkizý jáne tasymaldaý uıymdastyryldy. Sondaı-aq oblysta qardy shyǵarý, sý aǵyndaryn tazartý, jaǵalaýlardy nyǵaıtý, bógetter qurý jáne sýdy burý boıynsha aldyn alý sharalary júrgizildi.
Shyǵys Qazaqstan oblysynda Altaı qalasynda TJM 68303 áskerı bóliminiń kúshimen aryq júıesin qardan jáne bir sý ótkizý qurylysynan tazartý jumystary júrgizildi.