Óńirlerde iri ınfraqurylymdyq nysandar salý: 65 mlrd teńge únemdeldi
ASTANA. KAZINFORM - Qarjylyq monıtorıng agenttigi men oblys ákimderiniń birlesken áreketteri nátıjesinde 65 mlrd teńge únemdeldi. Atap aıtqanda QMA zamanaýı taldamalyq quraldardy paıdalana otyryp, 61 iri ınfraqurylymdyq nysandy josparlaý kezeńinde olardyń qunyn tómendetý úshin rezervterdi anyqtady.
Oblys ákimdikterimen birlesken jumys kezinde jobalaý-smetalyq qujattama túzetilip, 65 mlrd teńge bıýdjet qarajaty únemdeldi.
Qazirgi ýaqytta 11 mlrd teńgege qymbattatý táýekeli bar taǵy 12 nysannyń qujattary tekserilýde.
Máselen, elordada ákimdikpen birlesken jumystyń nátıjesinde magıstraldyq káriz kollektoryn salý boıynsha ınfraqurylymdyq obektini jobalaý kezinde memlekettiń 5,3 mlrd teńgege artyq shyǵystar eseptelgeni anyqtaldy (nátıjesinde jobalaý satysynda qurylys quny 26,4 mlrd teńgeden 21 mlrd teńgege deıin tómendetildi).
QMA taldaý nátıjeleri boıynsha Aqtóbe qalasynyń "Parasat" turǵyn alabynda elektrmen jabdyqtaý jelilerin salý" obektisin jobalaý satysynda 3 mlrd teńgeden astam bıýdjet qarajaty únemdeldi.
QMA bul baǵyttaǵy jumysty elimizdiń barlyq óńirlerinde júrgizedi.
Aıta keteıik, Qarjylyq monıtorıng agenttiginiń qyzmeti bıýdjet qarajatyn utymdy paıdalaný jáne qylmystyq iske jetkizbeı, erte satyda urlyq táýekelderin boldyrmaý arqyly kóleńkeli ekonomıkaǵa qarsy is-qımyl prızmasy arqyly memleket pen adal bıznestiń múddelerin qorǵaýǵa baǵyttalǵan.
