Óńirdegi aýdandardy damytý strategııasy ázirlene me – Qanat Bozymbaevtyń jaýaby
ASTANA. KAZINFORM – Premer-Mınıstrdiń orynbasary Qanat Bozymbaev Májilis depýtattarynyń ár óńirdiń myqty jáne álsiz tustaryn eskere otyryp, aýdandardy damytý strategııalaryn ázirleýge qatysty saýalyna jaýap berdi.
«Qazaqstan Respýblıkasy Úkimetiniń 2021 jylǵy 26 aqpandaǵy № 99 qaýlysymen ózgerister engizilgen Qazaqstan Respýblıkasyndaǵy memlekettik josparlaý júıesine (budan ári – MJJ) sáıkes, aýmaqtardy damytý baǵdarlamalary oblystardyń, respýblıkalyq mańyzy bar qalalardyń jáne astananyń damý josparlaryna (budan ári – óńirlerdi damytý josparlary) qaıta formattaldy. Sonymen qatar, MJJ qujattaryn ońtaılandyrý maqsatynda aýdandar men oblystyq mańyzy bar qalalardyń aýmaqtardy damytý baǵdarlamalary alynyp tastalyndy. Osylaısha óńirlerdi damytý josparlaryndaǵy nysanaly ındıkatorlar óńirlerdi damytý josparlaryna qosymsha túrinde aýdandar men oblystyq mańyzy bar qalalar bólinisinde belgilenedi», - dedi vıtse-premer jaýabynda.
Budan basqa, onyń atap ótýinshe, memlekettik josparlaý júıesiniń jınaqy jáne ıkemdi júıesin qalyptastyrý maqsatynda MJJ-ge Qazaqstan Respýblıkasy Úkimetiniń 2024 jylǵy 29 sáýirdegi №350 qaýlysymen óńirlerdi damytý josparlarynyń nysanaly ındıkatorlary dekompozııalanǵan negizgi ulttyq ındıkatorlarǵa jáne MJJnyń joǵary turǵan qujattarynyń nysanaly ındıkatorlaryna qol jetkizýdi qamtamasyz etý boıynsha ózgerister engizildi.
«Osyǵan baılanysty, MJJ-ǵa sáıkes aýdandar men oblystyq mańyzy bar qalalar úshin jeke strategııalyq qujattardy ázirleý kózdelmegen. Aýdandar men oblystyq mańyzy bar qalalar bólinisindegi barlyq is-sharar óńirdi damytý josparynda jáne ony iske asyrý jónindegi jol kartasynda kórsetilgen», - dedi Qanat Bozymbaev,
Buǵan deıin bıyl 32 aýdan ákimi biliktiligin arttyratyndyǵyn jazǵan edik.
