Onnan asa adam shaǵymdanǵan: Almatyda týrıstik kompanııaǵa baılanysty is qozǵaldy
ALMATY. KAZINFORM – Almaty polıtsııasy týrıstik kompanııaǵa qatysty qylmystyq is qozǵady.
Almaty turǵyny áleýmettik jelide Abylai tours týragenttigine saıahat úshin 1,2 mln teńge tólegenin, biraq ózine ýaqtyly qyzmet kórsetilmegenin ne aqshasy qaıtarylmaǵanyn jazdy.
Almaty qalasynyń polıtsııa departamenti atalǵan kompanııaǵa qatysty 10-nan astam adamnan aryz-shaǵym túskenin rastady. Qazir tergeý jumystary bastalǵan.
– Áýezov aýdandyq polıtsııa basqarmasynda QR Qylmystyq kodeksiniń 190-baby (alaıaqtyq) boıynsha is qozǵaldy. Qazir tergeý amaldary júrgizilip jatyr. Sonyń qorytyndysy boıynsha protsessýaldyq sheshim qabyldanady, - dep habarlady departamentten.
Eske salaıyq, buǵan deıin Almatyda «MM Travel» týrıstik kompanııasyna qatysty sot úkimi shyqty. Kompanııa basshysy Aqtoty Dúıseevaǵa 3 jyl bostandyǵynan aıyrý jazasy taǵaıyndaldy. Al «Elge kómek» qaıyrymdylyq qorynyń basshysy Іlııas Sarıev 3 jyl 8 aıǵa bostandyǵynan aıyryldy.