Ónim bar, saqtaıtyn qoıma joq: Joldaýda qandaı tapsyrma berildi
ASTANA. KAZINFORM — Qazaqstanda óndirilgen aýyl sharýashylyǵy óniminiń 40 paıyzy búlinedi. Quryltaı depýtaty Serik Egizbaev muny zamanaýı qoımalar men saqtaý tehnologııalarynyń jetkiliksizdigimen baılanystyrady. Onyń aıtýynsha, ónimdi tereń óńdeý jáne sýdy únemdeý aýyl sharýashylyǵyn damytýdyń mańyzdy baǵyttaryna aınalýǵa tıis.
— Bizdiń fermerler ónimdi jaqsy óndiredi. Biraq ony saqtaı almaı qalamyz. Resmı statıstıkanyń ózi óndirilgen ónimniń 40 paıyzy búlinetinin kórsetip otyr. Oǵan zamanaýı qoımalar joq, zamanaýı tehnologııalar joq. Sondyqtan Prezıdent onyń aldynda da Úkimettiń, sala mamandarynyń aldyna tereń óńdeý týraly maqsattardy qoıyp júrdi. Aýylsharýashylyq ónimderiniń kópshiligi uzaq ýaqyt saqtalmaıdy. Sondyqtan Prezıdent olardy tereń óńdep, qosymsha tabysty arttyratyn molaıtatyn tehnologııalarǵa kóshý qajettigin aıtty, — deıdi Quryltaı depýtaty Serik Egizbaev.
Sonymen birge, depýtat sýdy tutynýdan sýdy únemdeý saıasatyna kóshýdiń mańyzdy ekenin aıtýda.
Onyń aıtýynsha, Qazaqstanda tutynylatyn sýdyń 60 paıyzdan astamy aýyl sharýashylyǵyna, sonyń ishinde sýarmaly jerlerge jumsalady.
Búgin Prezıdent Qasym-Jomart Toqaev óz Joldaýynda aýyl sharýashylyǵy ónimderin tereń óńdeýge basa mán berýdi tapsyrǵan edi.
