«Online sarapshy - 2011» baıqaýy Ǵalamtordyń úzdik sarapshylaryn anyqtady
ASTANA. 9 qańtar. QazAqparat /Arman Asqarov/ - Erteń, Almaty qalasynda alǵash ret «Online sarapshy - 2011» syılyǵyn tapsyrý rásimi ótedi.
«Interkontınental» qonaq úıinde ótetin saltanatty is-shara barysynda Jahandyq jeliniń úzdik sarapshylary marapattalmaq.
Medıa standarttar ınstıtýty men Qazaqstannyń Internet qaýymdastyǵy taǵaıyndaǵan «Online sarapshy - 2011» syılyǵy ótken jyldyń qorytyndysy boıynsha úzdik tanylǵan sarapshylarǵa tabystalatyn bolady. Atalǵan syılyq 15 atalym, onyń ishinde ekonomıka, quqyq, medıa, PR jáne taǵy basqa salalar boıynsha tapsyrylady. Osydan bastap bul is-sharany jyl saıyn uıymdastyrý josparlanyp otyr.
