Onlaın jınalysta qyzmettik etıkany buzǵan áskerı basshylardyń áreketi tekserilip jatyr
ASTANA. KAZINFORM – Qorǵanys mınıstrligi qyzmettik jınalys kezinde etıkany saqtamaǵan áskerı basshylardyń áreketine qatysty túsinik berdi.
Áleýmettik jelilerde Qyzylorda oblysynyń jergilikti áskerı basqarý organdarynyń qatysýymen 2025 jylǵy 9 maýsymda ótken onlaın keńestiń beınejazbasy tarady.
- Keńes barysynda oblystyq qorǵanys isteri departamenti bastyǵy tarapynan qyzmettik mindetterdiń tıisinshe oryndalmaýyna baılanysty baǵynystylarǵa talaptar qoıylǵan kezde etıkalyq normanyń saqtalmaýy baıqaldy, - delingen mınıstrliktiń baspasóz qyzmeti taratqan resmı aqparatta.
Sondaı-aq habarlamada atalǵan jaıt boıynsha qyzmettik tekseris taǵaıyndalǵany, onyń nátıjesi boıynsha quqyqtyq baǵa beriletini aıtylǵan.
Eske sala ketsek, Shymkentte sot otyrysy kezinde BAQ ókiline aýzyn qısaıtqan sýdıanyń áreketine tekseris taǵaıyndalǵan edi.
Sol sııaqty Almatyda áleýmettik jelide sýdıanyń túsiniksiz qımyl jasaǵan sáti túsirilgen vıdeo jelide talqyǵa tústi. Shaǵym nátıjesinde sýdıalyq ádep jónindegi komıssııa sýdıaǵa qoǵamdyq sógis jarııalady.