Onlaın saýda jasaýshylardyń quqyǵy qalaı qorǵalyp júr
Elimizde onlaın saýda jasaıtyn tutynýshylardyń quqyǵy zańmen qorǵalady, dep habarlaıdy Kazinform.
Astana qalasynyń saýda jáne tutynýshylar quqyǵyn qorǵaý departamentiniń basshysy Nurǵalı Egemberdıevtiń málimetine sáıkes bıyl 9 aıda onlaın saýda jasaýshylardyń 600 ótinishi qaralyp, respýblıka boıynsha 31 mln teńgeden astam buzylǵan quqyq qalpyna keltirilgen.
«Tutynýshylar quqyǵyn qorǵaý týraly» jańa zań jobasy sheńberinde ınternet-resýrstar «saýda obektilerine» teńestiriledi. Tıisinshe oflaın satýshyǵa qoıylatyn barlyq talap onlaın satýshylarǵa da qoldanylady»,- dedi Nurǵalı Egemberdıev qalalyq kommýnıkatsııalar qyzmetinde ótken brıfıngte.
Departament basshysynyń aıtýynsha, Tutynýshy quqyǵyn qorǵaý týraly qoldanystaǵy zańǵa sáıkes tutynýshy aqaýly taýardy qaıtarýǵa quqyly, sondaı-aq óz tańdaýy boıynsha satyp alý baǵasyn proportsıonaldy tómendete alady.
Sondaı-aq, taýardyń kemshilikterin joıýdy, taýardy uqsas markaly taýarǵa (modelge, artıkýlǵa) aýystyrýdy, shartty buzýdy jáne taýarǵa tólengen aqshalaı somany qaıtarýdy talap etýge quqyly.
