Onlaın oqý: Ata-analar berilgen kompıýterdi syndyryp alýdan qorqyp, paıdalanbaı otyr
PAVLODAR. QazAqparat – Qashyqtan oqý úshin berilgen kompıýterlerdi paıdalanbaı otyrǵan ata-analar bar. Bul týraly Pavlodar oblysy Bilim basqarmasynyń basshysy Dinıslam Bolathanuly Óńirlik kommýnıkatsııalar qyzmetindegi baspasóz máslıhatynda aıtty, dep habarlaıdy QazAqparat pavlodarnews.kz saıtyna silteme jasap.
Bilim basqarmasynyń basshysy búginde barlyq oqýshylar men muǵalimder kompıýterlik tehnıkamen qamtylǵanyn atap ótti.
«Bizdiń aımaq elimizde mektepterdegi kompıýterlik bazasy úlken oblys bolyp sanalady. Óńirimizde 21 myńnan astam kompıýter bar. Jańa oqý jylyna daıyndyq kezinde 12 myńnan astam oqýshyda kompıýter joq ekenin anyqtadyq. Birneshe balasy bilim alatyn otbasylar da bar. Oǵan qosa, 40 myńnan astam muǵalimniń ishinde 140 ustazda kompıýter joq bolyp shyqty. Sony eskerip, kompıýterler taratyp berdik. Qazir oblystyq jáne respýblıkalyq bıýdjetten kompıýterler satyp alý júrgizilýde», - dedi ol.
Sondaı-aq D.Bolathanuly atap ótkendeı, respýblıkalyq bıýdjetten alynǵan 1670 jańa kompıýterdiń barlyǵy oqýshylarǵa taratylǵan. Alaıda, berilgen kompıýterdi paıdalanbaı otyrǵan ata-analar da bar.
«Keıbir ata-analar jaýapkershilikten qorqyp, berilgen kompıýterlerdi paıdalanbaı otyr. Syndyryp alyp, qunyn tóleýden qorqady. Ondaı ata-analarǵa balalaryńyz bilim baǵdarlamasynan qalyp qoımas úshin qoryqpaı, kompıýterlerdi ashýyn suraımyz», - dedi basqarma basshysy.
Buǵan deıin habarlaǵanymyzdaı, Pavlodar oblysynda 4 muǵalim men 14 oqýshydan koronavırýs anyqtaldy.
