Onlaın mahabbattyń sońy jaraly júrek pen bos ámııanǵa ákelip soǵady

ASTANA. KAZINFORM – ІІM áleýmettik jelidegi alaıaqtar týraly eskertti, - dep jazdy Polisia.kz.

Jeli qoldanýshylarynyń keıbiri ózderin mahabbat izdep júrgen sheteldikter retinde kórsetetin alaıaqtardyń quryǵyna túsip qalyp jatyr. Mundaı aldamshy onlaın mahabbattyń sońy tek jaraly júrek pen bos ámııanǵa ákep soǵady. Ádemi tanystyq, romantıkaǵa toly sózder, kezdesý týraly ýáde, tipti úılený jaıly arman-maqsattar...

Biraq keıin áńgime barysynda qıyndyqtardyń týyndaǵany týraly aıtylady. Túrli syltaýmen aqshalaı kómek alýǵa umtylady. Osyndaı shemaǵa aldanǵan Astana qalasynyń turǵyny ózimen ınternet arqyly sóılesken adamǵa senip, toǵyz mıllıon teńgesinen aıyrylǵan.

Internettegi alaıaqtyqtyń negizgi belgileri: ǵashyqtyq sezimin tez bildirý, beıneqońyraýdan nemese jeke kezdesýden bas tartý, aıanysh sezimin týdyryp, qıyn ómirlik jaǵdaılar týraly baıandaý, aqsha, qujattar nemese baǵaly zattardy jiberýdi suraý.

ІІM azamattarǵa beıtanys adamdarǵa sene bermeýge, kúmándi shottarǵa aqsha aýdarmaýǵa, árdaıym aqparatty muqııat tekserýge keńes beredi.

— Kúdik týyndaǵan jaǵdaıda birden 102 nómirine habarlasyńyz, — dedi vedomstvodan.