Onlaın qurban shalýǵa arnalǵan saıt iske qosyldy

ASTANA. KAZINFORM - Qazaqstan musylmandary dinı basqarmasy onlaın qurban shalýǵa múmkindik beretin platformanyń iske qosylǵanyn habarlady.

Saıtta belgilengen baǵa boıynsha:

Qoıdyń quny – 75 myń teńge;

Іri qaranyń quny – 490 myń teńge

Saıt arqyly qurban etin alýǵa da ótinish qaldyrýǵa bolady.

«Onlaın túrde qurban shalamyn deýshiler qurbandyq malyn tańdap, aqshany Kaspi QR arqyly aýdara alady. Qoı men eshkini jeke adam, al iri qara men túıeni bir nemese jeti adam birigip shalsa bolady. Tapsyrysyńyz sátti ótse uıaly telefonyńyzǵa SMS habarlama keledi», – dep jazylǵan dinı basqarmanyń habarlamasynda.

Qurbandyq shalynǵannan keıin onyń foto jáne beıne esebi tapsyrys berýshi kórsetken nómirge jiberiledi.

 

 

 

Janel Nurbolatqyzy