Onlaın kredıt alýdyń jańa tártibi bekitildi

ASTANA. KAZINFORM — Endi bank pen mıkroqarjy uıymdarynan onlaın kredıt alý úshin bıometrııalyq tekserýden ótý mindetti. Bul týraly Jibek joly telearnasynyń jańalyqtar qyzmetinde aıtty.

Júıe adamnyń «tiri» ekenin anyqtaý úshin «basyńdy bur», «kózińdi jypylyqtat» degen sııaqty birneshe tapsyrma beredi. Eger tekseris úsh retten ótpese, kredıt berilmeıdi. Tekserý kezinde alynǵan beıne memlekettik derekqordaǵy nemese arnaıy bazaǵa engizilgen sýretpen salystyrylady.

Osylaısha bóten adamnyń fotosyn nemese vıdeosyn paıdalaný múmkindigi shektelmek.

Bıometrııalyq tekseristiń nátıjesi elektrondy túrde tirkelip, bank nemese mıkroqarjy uıymynda saqtalady.

Barlyq málimet qaýipsiz júıe arqyly óńdeledi. Jańa erejeler 10 kúnniń ishinde kúshine enedi.

Aıta ketelik merzimdi áskerı qyzmettegi azamattar endi kredıt ala almaıdy.