Onlaın-kazıno jarnamasyn shekteý jáne ónimderdi tsıfrlyq tańbalaý usynyldy
ASTANA. KAZINFORM — Premer-mınıstrdiń orynbasary – ulttyq ekonomıka mınıstri Serik Jumanǵarınniń tóraǵalyǵymen kásipkerlik qyzmetti retteý máseleleri jónindegi vedomstvoaralyq komıssııanyń kezekti otyrysy ótti.
Talqylaýǵa mınıstrlikter men agenttikterdiń ókilderi, iskerlik birlestikter men Kásipkerler quqyqtaryn qorǵaý jónindegi ýákil qatysty.
Jıynda ártúrli salalarda retteý tetikterin engizýge qatysty birqatar másele qaraldy. Atap aıtqanda, motor maılaryn tańbalaý men qadaǵalaý júıesin engizý máselesi qarastyryldy. Energetıka mınıstrliginiń málimetinshe, bul shara ónimniń óndirýshiden tutynýshyǵa deıingi qozǵalysyn tolyq qadaǵalaýǵa múmkindik bermek. Tsıfrlyq tańbalaý ár taýar birliginiń jetkizý tizbegindegi qozǵalysyn aıqyn kórsetip, onyń shyǵý tegi men qoldanylýy jóninde dálme-dál derekter beredi.
Sondaı-aq syra jáne syra ónimderin tańbalaý, pestıtsıdterdiń aınalymyn retteý máseleleri qaraldy. Atap aıtqanda, tirkelmegen pestıtsıdterdi óndirýge (quramdastyrýǵa) kelisim berý tártibin engizý usynyldy.
Komıssııa kún tártibinde elektrondy jáne ınternet-kazıno jarnamasyna qatysty da másele qozǵaldy. Uıaly baılanys operatorlary tarapynan osyndaı SMS-habarlamalardy taratýǵa ákimshilik jaýapkershilik belgileý usynyldy. Týrızm jáne sport mınıstrliginiń ókilderi atap ótkendeı, bul bastama oıynǵa áýes azamattardyń sanyn azaıtýǵa jáne baılanys salasynda qyzmet kórsetetin kásipkerlerdiń áleýmettik jaýapkershiligin arttyrýǵa baǵyttalǵan.
Otyrystyń qorytyndysy boıynsha vedomstvoaralyq komıssııa memlekettik organdar men qatysýshylardyń usynys-pikirlerin eskere otyryp, barlyq másele boıynsha jasalǵan retteý taldaýlarynyń nátıjelerin kelisti.
Aıta ketelik búgin Serik Jumanǵarın AQSh saýda palatasymen jáne iri amerıkalyq kompanııa ókilderimen kezdesken edi.