Onlaın kazıno uıymdastyrǵandar 3 mlrd teńge tabys tapqan

ASTANA. QazAqparat - Qarjylyq monıtorıng agenttigi onlaın-kazıno túrindegi zańsyz oıyn bıznesin uıymdastyrý faktisi boıynsha sotqa deıingi tergeý júrgizip jatyr, dep habarlaıdy QazAqparat.

Oıynǵa qatysý úshin saıtta jarııalanǵan Telegram arnasyndaǵy siltemede jarna tóleısiń.

Tólem kartshottarǵa jáne elektrondy ámııanǵa jiberilgen, ony toltyrǵannan keıin oıynǵa qatysý úshin logın men parol jasalady.

Bás tigý men utys tóleý sheteldik tulǵalardyń kartshottary arqyly júzege asqan.

Atyraý, Aqtóbe jáne Aqtaý qalalarynyń aýmaǵynda tintý júrgizilip, onyń barysynda zattaı aıǵaqtar – oıyn baǵdarlamalary bar noýtbýkter, sheteldik tulǵalar men Qazaqstan azamattaryna berilgen bank qosymshasy bar telefondar alyndy.

Búkil jyljymaly jáne jyljymaıtyn múlikke jalpy somasy 167 mln teńgege tyıym salyndy.

Uıymdastyrýshylar men qatysy bar tulǵalarǵa tıesili ekinshi deńgeıli bankterdegi barlyq shottarǵa tyıym salyndy.

Onlaın qumar oıyndary táýlik boıy júrgizilip, kúndelikti aınalymy - shamamen 800 000 teńge bolǵan.

Zańsyz oıyn bıznesin uıymdastyrýǵa paıdalanylǵan kartshottarǵa túsken qarajattyń jalpy somasy 3 mlrd teńgeden asady.

Kúdiktiler ustalyp, ýaqytsha ustaý ızolıatoryna qamaldy. Olar 2 aı qamaýda otyrady.