Onlaın kazıno uıymdastyrǵan azamattan memleketke 9,9 mln teńge óndirildi
ASTANA. KAZINFORM – Astana turǵyny arnaıy lıtsenzııasyz oıyn bıznesi salasynda qyzmet uıymdastyrǵan.
Onyń baqylaýymen mobıldi qosymsha arqyly qoljetimdi onlaın kazıno jumys istegen. Azamattar TikTok jáne YouTube áleýmettik jelilerindegi tikeleı efırler arqyly qumar oıyndarǵa qatysyp, oıynǵa qatysý úshin aqsha aýdaryp otyrǵan.
Zańsyz qyzmetten ol iri kólemde zańsyz tabys tapqan.
Sot ony kináli dep tanyp, raqymshylyq aktisi negizinde jazadan bosatqan.
Alaıda sot zańsyz jolmen alynǵan qarajatty tárkileý máselesin sheshpegen.
Prokýratýranyń kassatsııalyq narazylyǵy boıynsha sot aktisi ózgertildi. Sottalǵannan memleket paıdasyna qylmystyq jolmen alynǵan zańsyz tabys retinde 9,9 mln teńge óndirildi.
Aıta ketelik ShQO-da prokýratýra 90 mln teńgeden astam qarjynyń tıimsiz jumsalýyna jol bermegen edi.
