Onlaın kassalyq apparattar salyqtan jasyrylǵan 14 mlrd teńgeni anyqtady
NUR-SULTAN. QazAqparat – Onlaın kassalyq apparattar salyq organdarynan jasyrylǵan 14 mlrd teńgeni jaryqqa shyǵarǵan, dep habarlaıdy QazAqparat tilshisi.
QR Prezıdenti janyndaǵy ortalyq kommýnıkatsııalar qyzmetinde ótken brıfıng barysynda osyndaı málimet jarııalandy.
QR Memlekettik kirister departamentiniń tóraǵasy Marat Sultanǵazıev onlaın kassalyq apparttardy engizý eldegi saýda-sattyqtyń ashyq júrýine áser ete bastaǵanyn aıtady.
«Búginge deıin eldegi esep aıyrysý oryndarynyń 82 paıyzy onlaın kassalyq apparatpen qamtyldy. ıAǵnı 349 myń dana apparat jumys istep tur degen sóz. Onlaın apparattar arqyly memlekettik kirister bazasyna bir mıllıardtan astam túbirtek tústi. Solardy memlekettik kirister organyna berilgen eseptermen salystyrdyq. Eki aradan 14 mlrd teńgeniń aıyrmashylyǵy shyqty. Osylaısha, biz 14 mlrd teńgeniń qosymsha túsimin anyqtadyq. ıAǵnı esep berý kezindde atalmysh soma jasyrylǵan», - dedi komıtet tóraǵasy.
