Onlaın-qabyldaý: Atyraý oblysynyń ákimine qandaı suraqtar qoıyldy
Óńirlik kommýnıkatsııalar qyzmetiniń málimetine sáıkes, onlaın-kezdesý barysynda turǵyn úı baǵdarlamalaryna qatysý men turǵyn úı jaǵdaıyn jaqsartý, áleýmettik kómek kórsetý, jumyspen qamtý, medıtsınalyq kómek, sondaı-aq qoǵamdyq qaýipsizdikke qatysty saýaldar qoıylǵan.
Oblys ákimi Mahambet Dosmuhambetov turǵyndar tarapynan qoıylǵan suraqtar men usynystardy zerdelep, olarǵa tolyq jaýap berýdi Atyraý qalasynyń, sondaı-aq aýdandardyń ákimderine, tıisti basqarmalardyń basshylaryna júktedi. Ákimderge birqatar tapsyrmalar berdi. Sondaı-aq, áleýmettik máselelerdiń tolyq sheshilýin jiti baqylaýda ustaıtynyn jetkizdi.
«Bizdiń basty maqsatymyz – halyqtyń ál-aýqatyn arttyrý. Kez kelgen turǵyndy tolǵandyratyn barlyq másele baqylaýymyzda bolady», - dedi Mahambet Dosmuhambetov.
Budan buryn Atyraýda halyqty jumyspen qamtý baǵdarlamasy oıdaǵydaı júzege aspaı otyrǵanyn, sondaı-aq, 3 myńnan astam áleýmettik nysan qujattandyrylǵanyn habarlap edik.
