Onlaın daýys berýdiń arqasynda praımerız barynsha ádil ótti – Azat Sarpekov
SEMEI. QazAqparat – Semeı qalasyndaǵy elektrotehnıkalyq kolledj dırektory Azat Sarpekov «Nur Otan» praımerızine qatysty pikir bildirdi, dep habarlaıdy QazAqparat tilshisi.
«Damý jolyna kele jatqan elimizge saıası saýaty myqty, ózindik ustanymy bar alǵyr jastar qajet. Praımerızge qatysýshylar halyq aldynda tek sózben jarqyrap qoımaı, óz jumysyn naqty ispen kórsetýi tıis. Al kim óz sózin ispen dáleldese halyq sony qoldaıdy», - dedi Azat Sarpekov.
Óz sózinde ol «Nur Otan» partııasy músheleriniń praımerızde daýys berýdegi belsendiligi joǵary ekendigin aıtty.
«Praımerız nátıjesinde qalamyzdaǵy túıtkildi máseleler qozǵalyp, aldaǵy damý jospary belgilendi. Jergilikti jurt osyǵan deıin naqty qandaı sharýalar atqarylǵandyǵynan, bolashaqta qandaı ózgerister oryn alatyndyǵynan habardar boldy. «Nur Otan» partııasy jańa ıdeıalarmen, jańa kózqarastarmen tolyqty», - dedi elektrotehnıkalyq kolledj dırektory.
Onyń aıtýynsha, onlaın daýys berýdiń arqasynda praımerız barynsha ádil ótti.
«Eger daýys berý qaǵaz kúıinde júrgizilse, qandaı da bir burmalaý faktileri oryn alýy múmkin edi. Al onlaında ondaı zańbuzýshylyqtarǵa jol berilmeıdi. Osynyń arqasynda, ár azamat ózi qalaǵan kandıdatqa daýys berdi dep oılaımyn. Halyq ár sekýnd saıyn saıttan qatysýshylardyń qansha daýys jınaǵanyn qadaǵalap otyrdy», - dedi Azat Sarpekov.
Aıta keteıik, praımerızge Semeı qalasy boıynsha 128 adam qatysty.
