Onlaın baqylaý-kassa mashınalarynyń mobıldik qosymshalary jasalady
«Onlaın baqylaý-kassa mashınalaryn qoldaný - ımporttan (óndiristen) tutynýshyǵa satqanǵa deıin taýarlardy qadaǵalaý júıesiniń sońǵy satysy bolyp otyr. Búgingi kúni qoldanylatyn fıskaldyq jadysy bar baqylaý-kassa mashınalary Qazaqstanda 1995 jyldan bastap paıdalanylýda. Tehnologııalardyń damýyn eskersek, olar tehnıkalyq túrde eskirdi. Jańa tehnologııalardy engizý, onyń ishinde onlaın baqylaý-kassa mashınalaryn qoldanýǵa kóshý -Ekonomıkalyq yntymaqtastyq jáne damý uıymy elderiniń salyq ákimshilikterin tsıfrlandyrýdyń ajyramas bóligi. «Atameken» ulttyq kásipkerler palatasymen birlese onlaın baqylaý-kassa mashınalaryn jappaı qoldaný merzimin 2024 jyldan 2020 jylǵa aýystyrý boıynsha sheshim qabyldandy», - dedi mınıstr.
Onyń sózine qaraǵanda, fıskaldyq derekter operatorynyń fýnktsııalary básekelestik ortaǵa beriletin bolady. Búginde «Qazaqtelekom» aktsıonerlik qoǵamy ǵana operator bolyp otyr.
Sonymen qatar, smartfondaǵy mobıldi onlaın baqylaý-kassa mashınalaryn damytý josparlanýda. Bul turǵyda smartfondaǵy qosymshalar eskeriledi.
«Onlaın baqylaý-kassa mashınasyn engizý óz tıimdiligin kórsetti. Astanada qanatqaqty qadam retinde 1700 kásipkerlik sýbektisi irikteldi. Olar kúnine bir ǵana chek shyǵaryp, kún saıyn birqalypty tabysty kórsetetin. Onlaın baqylaý-kassa mashına aqparattarynyń negizinde olardyń resmı túsimderi 3 ese artty (68 mln teńgeden 171 mln teńgege deıin). Bıýdjetke osy bastamanyń arqasynda tek byltyrǵy ekinshi jartyjyldyqta qosymsha 1 mlrd teńge jýyq qarjy tústi», - dedi Álıhan Smaıylov.