Onlaın-agenttikterdiń avıabılet satatyn ınternet-resýrstaryndaǵy alaıaqtyq shemasy anyqtaldy
NUR-SULTAN. QazAqparat - «MTQ» RMK KZ-CERT kompıýterlik ıntsıdentterge áreket etý qyzmetine Group-IB-den (Reseı) avıabıletterdi onlaın satyp alýǵa arnalǵan 26 alaıaqtyq ınternet-resýrs anyqtalǵany týraly hat kelip túsken, dep habarlaıdy QazAqparat.
KZ-CERT sarapshylary Qazaqstannyń aýmaǵynda 2 alaıaqtyq shemany anyqtady. KZ-CERT qyzmeti bul IR «Internet jelisindegi fıshıng» retinde synyptady.
Paıdalanýshylarǵa bıletterdi tıimdi baǵa boıynsha satyp alý usynylǵan. Bılet pen aqy tóleý nysanyn tańdaǵannan keıin paıdalanýshydan óziniń banktik kartasynyń derektemelerin (nesıe karatasynyń nómiri, CVV-kod) engizýdi ótingen. Paıdalanýshy aqy tóleýdi júzege asyrýǵa kelisim bergen soń nesıe karatasynyń derektemelerin zııankesterge jiberý oryndalyp, paıdalanýshy muny tipti ańǵarmaǵan.
Búgingi kúni avıabıletterdi deldaldar arqyly ońaı tabýǵa jáne satyp alýǵa bolady, ınternet-tehnologııalar muny barmaı-aq óz kompıýterinen tikeleı júrgizýge múmkindik beredi. Kóptegen jaǵdaılarda bıletterdi áýe kompanııasynyń ózinen satyp alǵannan deldaldar arqyly satyp alý tıimdirek bolady. Sondyqtan osy qyzmetke suranys jyldan jylǵa kóbeıýde. Sáıkesinshe, paıdalanýshylar derekteriniń jarııa etilý táýekelderi de artady.
KZ-CERT qyzmeti AQ ıntsıdentterine jol bermeý maqsatynda mynadaı usynystar beredi:
1. IR tirkelgen kúnin whois.net, pr-cy.ru nemese cy-pr.com servısteriniń kómegimen tekserý. Hostıng-provaıderi tarapynan domen qyzmetiniń toqtatylýyna baılanysty alaıaqtyq resýrstar bir-eki aıdan artyq jumys istemeıdi;
2. Mekenjaı jolynyń IR resmı ataýyna sáıkestigin tekserý;
3. Bıletke tóleý tásilin tekserý. Kóptegen jaǵdaılarda aqy tóleý onlaın-bankıng arqyly tóleý esebinen júzege asyrylady. Eger sizden aqshany ámııanǵa nemese kartanyń nómirine aýdarýdy surasa — sizdiń aldyńyzdaǵy zııankes. Kompanııalar shottardy jeke tulǵalarǵa nemese Web Money túrindegi servısterde resimdemeıdi;
4. Eger ol áldeqashan satyp alynǵan bolsa, bıletterdi PNR (sizdiń bıletińizde kórsetilgen erekshe biregeı kod) kody boıynsha belgili brondaý júıelerinde tekserý (viewtrip.com, checkmytrip.com, myairlines.ru);
5. Qoldaý qyzmetiniń bar bolýyn jáne onyń habarlamalar men qońyraýlarǵa qanshalyqty tez áreket etetinin tekserý. Sondaı-aq satýshy men olardyń basqa resýrstardaǵy belsendiligi týraly pikirlerdi aldyn ala tabý qajet.
Eger Siz aqparattyq qaýipsizdik ıntsıdentiniń qurbanyna aınalsańyz, bizdiń mamandarǵa 1400 (táýlik boıy) aqysyz nomeri boıynsha habarlaı alasyz nemese https://www.cert.gov.kz/notify-incident siltemesi arqyly ótinim, ne incident@kz-cert.kz email-ge hat jibere alasyz.
