Onkoortalyqtarǵa medıtsınalyq tehnıkany satyp alýǵa qatysty shaǵym tekserilýde
«Hımıotargentti dárilik zattar men tsıtostatıkterdi kóbeıtýdiń avtomattandyrylǵan qurylǵylaryn satyp alý Qazaqstan Respýblıkasynda onkologııalyq aýrýlarmen kúres jónindegi 2018-2022 jyldarǵa arnalǵan Keshendi jospardy iske asyrý aıasynda júzege asyrylady. Medıtsınalyq buıymdardy satyp alýdy Satyp alý erejesine sáıkes (Qazaqstan Respýblıkasy Úkimetiniń 2009 jylǵy 30 qazandaǵy № 1729 qaýlysymen bekitilgen) «SK-Farmatsııa» JShS Biryńǵaı dıstrıbıýtory uıymdastyrady. «SK-Farmatsııa» JShS málimetinshe, 12 medıtsınalyq buıymdy satyp alýǵa arnalǵan tenderge 3 áleýetti taýar jetkizýshi qatysty», - dep atalyp ótken Densaýlyq saqtaý mınıstrligi málimetinde.
Belgili bolǵandaı, birinshi tender taýar jetkizýshilerdiń Qazaqstan Respýblıkasynyń aýmaǵyna medıtsınalyq buıym ákelýge jáne odan ári paıdalanýǵa ruqsaty bar ekenin rastaıtyn qujattaryn kórsetpeýine baılanysty ótpedi.
Osyǵan baılanysty «SK-Farmatsııa» JShS 19 qyrkúıekte tenderdi qaıta jarııalady jáne 30 qazanda qorytyndysy shyqty.
«Alaıda, taýar jetkizýshiler tenderdiń qorytyndysymen kelispeı ótinish jazǵan. Densaýlyq saqtaý mınıstrligi sol shaǵymǵa baılanysty tıisti tekserý júrgizý týraly sheshim qabyldady. Shart jasasý tekserý qorytyndylary aıaqtalǵanǵa deıin toqtatyldy. Qorytyndy týraly qosymsha habarlaımyz», - dep naqtylady vedomstvonyń baspasóz qyzmeti.