Onkologııany erte kezeńde anyqtaý 35 paıyzǵa deıin ósti - DSM
ASTANA. KAZINFORM – Búgin Úkimet otyrysynda ınklıýzıvti saıasatty júzege asyrý sharalaryn talqylaý kezinde Densaýlyq saqtaý mınıstri Aqmaral Álnazarova eldegi skrınıng baǵdarlamasyna qatysty túsinik berdi.
- Skrınıngtik baǵdarlamalar jańǵyrtyldy. Birinshiden, jas shegi 70-ten 76 jasqa deıin ulǵaıtyldy. Ekinshiden, onkologııalyq skrınıngter saqtandyrý mártebesine qaramastan barlyǵyna qoljetimdi boldy. Úshinshiden, ınsýltti erte anyqtaý úshin jańa skrınıng engizildi. Bul qosymsha 300 myń adamdy qamtýǵa múmkindik berdi, - dedi A.Álnazarova.
Onyń sózine qaraǵanda, skrınıng qorytyndysymen 320 myń adam dınamıkalyq baqylaýǵa alyndy, bul kórsetkishtiń 10 paıyzǵa jaqsarǵanyn kórsetedi.
- Onkologııalyq aýrýlardy erte kezeńde anyqtaý shamamen 35 paıyzǵa deıin ósti, tıimdi zertteýlermen qamtý 4 paıyzdan 38 paıyzǵa deıin artty, - dedi mınıstr.
Budan buryn habarlanǵandaı, elde ınsýlt ortalyqtarynyń jelisi keńeıdi.
