Onkologııalyq járdem baǵdarlamasy boıynsha 9-11 jastaǵy qyz balalarǵa ekpe jumystary júrgiziletin bolady

dep habarlady Qazaqstannyń onkologııa jáne radıologııa ǵylymı-zertteý ınstıtýtynyń dırektory Qýanysh Nurǵazıev Pm.kz saıtyna bergen suhbatynda.

«Bul baǵdarlama aýrýdyń aldyn alýǵa baǵyttalǵandyqtan, onda 9-11 jastaǵy qyz balalarǵa ekpe jasaý qarastyrylǵan. Mundaı jumystar álemniń kóptegen elderinde, onyń ishinde Eýropanyń 22 elinde, AQSh-ta, Kanadada jáne Afrıkanyń 7 elinde júrgiziledi», - dedi Q.Nurǵazıev.

Elimizdiń bas onkolog-mamanynyń aıtýynsha, bul jatyr aýzynyń alǵashqy aldyn alý sharasy retinde júrgiziledi. Kelesi jyldan bastap Qazaqstanda da ekpe jumystary bastalady.

Sonymen qatar, ol birinshi jáne ekinshi aldyn alý sharalarynyń tizimi nozologııanyń 6 túrine deıin artatynyn jetkizdi.

«Ekinshi aldyn alý sharalaryna -  aýrýdy erte basta anyqtaýǵa keletin bolsaq, búgingi kúni Qazaqstanda sút bezderi, jatyr aýzy qaterli isiginiń  jáne kolorektaldy isikti erte bastan anyqtaý baǵdarlamasy jumys isteıdi. Buǵan taǵy da úsh nozologııa qosylady, ol - asqazan, baýyr jáne enek beziniń qaterli isigi», - dep qosty Qazaq onkologııa jáne radılogııa ǴZI dırektory.

Aıta ketý kerek, enek beziniń aldyn alý sharalarynyń ilki jobasy Shyǵys Qazaqstan oblysynda bastaldy.Kelesi jyldan bastap barlyq aldyn alý sharalary búkil oblystarda kezeń-kezeńimen júzege asyryla bastaıtyn bolady, bul aýrýdyń aldyn alyp, qaterli isik saldarynan bolatyn ólim sanyn azaıtýǵa múmkindik beredi.

Qazaqstandaǵy onkologııalyq járdemdi damytý baǵdarlamasy Parıjdegi Gıýstav Rýssı atyndaǵy onkologııa ınstıtýtynyń, Pıttsbýrg ýnıversıtetiniń jáne Tel-Avıvtegi  onkologııalyq ortalyqtyń oń baǵasyn aldy, dep atap ótti Q.Nurǵazıev.

Esterińizge sala keteıik, memleket basshysynyń Qazaqstan halqyna arnaǵan «Áleýmettik-ekonomıkalyq jańǵyrtý -  Qazaqstan damýynyń basty baǵyty» atty Joldaýynda aıtylǵan tapsyrmalarǵa sáıkes, 2012 jyldyń naýryz aıynda  halyqqa onkologııalyq járdem berýdi damytýdyń 2012-2016 jyldarǵa arnalǵan jańa baǵdarlamasy qabyldanǵan bolatyn.

Baǵdarlamanyń basty maqsaty - skrınıng jolymen onkologııalyq aýrýlardyń aldyn alýdy jetildirý, dıagnostıka men emdeýdiń ǵylymı tıimdiligine negizdelgen joǵary tehnologııalyq tásilderiniń qoljetimdiligin arttyrý  jáne qaterli isik aýrýymen aýyratyn naýqastarǵa ońaltý jáne pallıatıvti kómek kórsetýdiń zamanaýı júıesin qurý bolyp tabylady.