Onkologııalyq patologııa Qazaqstanda adam ólimine sebep bolyp otyrǵan basty máselelerdiń biri - S.Qaıyrbekova
TANA. 14 qazan. QazAqparat /Aıdar Ospanalıev/ - Rak aýrýy Qazaqstannyń da densaýlyq saqtaý salasy úshin ózekti bolyp otyr. Qazaqstanda onkologııalyq patologııa adam ólimine sebep bolyp otyrǵan ekinshi kezektegi másele. Bul týraly búgin Respýblıkalyq aýdandyq onkolog mamandardyń semınar-keńesinde Densaýlyq saqtaý mınıstri Salıdat Qaıyrbekova málim etti.
Onyń sózine qaraǵanda, Qazaqstan úkimeti onkologııalyq aýrýlary men osy indettiń saldarynan mertigý jaǵdaılaryna barynsha kóńil bólip otyr. «Densaýlyq saqtaý salasyn damytýǵa baǵyttalǵan «Salamatty Qazaqstan» baǵdarlamasynda densaýlyq saqtaý salasyn jańa sapaly deńgeıge kóterý arqyly turǵyndardyń densaýlyq jaǵdaılaryn nyǵaıtý jóninde mindet qoıylǵan. Osy qujattyń basym baǵyttarynyń biri eldegi onkologııalyq aýrýlardyń sanyn kemitý bolyp tabylady. Bul rette Densaýlyq saqtaý mınıstrligi birqatar qujattar qabyldap, tıisti sharalar qoldanýda»,-dedi mınıstr.
Onyń sózine qaraǵanda, onkologııalyq indetterdiń aldyn alý úshin birinshi arnaıy mamandandyrylǵan medıtsınalyq kómekti satylap jetildirý kerek. Onyń ishinde joǵary tehnologııaly qyzmetter de nazardan tys qalmaýy tıis. «Sondaı-aq turǵyndarǵa birinshi kezekte kómek kórsetetin, ıaǵnı alǵashqy medıtsınalyq-sanıtarlyq kómek sharalaryn nyǵaıtý kerek. Árıne, bul baǵytta eń mańyzdy mindet onkolog mamandardyń ózderine júkteledi. Sebebi olar turǵyndarǵa onkologııalyq qyzmet kórsetetin basty qyzmetkerler»,-dedi S.Qaıyrbekova.
Onyń Búkilálemdik densaýlyq saqtaý uıymynyń málimetteri, negizinde keltirgen derekterine qaraǵanda, qazirgi tańda rak adam ólimi men aýrý túrleriniń taraýyna eń kóp sebepshi bolyp otyrǵan indetterdiń biri. Jyl saıyn álem boıynsha, rak aýrýynyń 10 mıllıonnan astam túri tirkeledi. Al Búkilálemdik densaýlyq saqtaý uıymynyń boljamynsha, 2020 jylǵa qaraı rak aýrýlarynyń túrleri jylyna 15 mıllıonǵa jetedi.
