Onkologııalyq aýrýlardy anyqtaý maqsatynda byltyr 2,3 mln. qazaqstandyq tekseristen ótkizildi
ASTANA. QazAqparat - Onkologııalyq aýrýlardy erte kezeńde anyqtaý maqsatynda 2014 jyly 2,3 mln. qazaqstandyq skrınıngtik tekseristen ótkizilip, nátıjesinde 2 myńnan asa qaterlik isik jaǵdaılary anyqtaldy. Bul týraly QR Densaýlyq saqtaý jáne áleýmettik damý mınıstrliginen habarlandy.
«Salamatty Qazaqstan» memlekettik baǵdarlamasyna yqpaldastyrylǵan 2012-2016 jyldarǵa arnalǵan Qazaqstan Respýblıkasynda Onkologııalyq kómekti damytý baǵdarlamasy aıasynda 6 túrli skrınıng iske asyrylýda. Olar: sút bezi obyryn, jatyr moıny obyryn (2008 jyldan bastap), toq ishek obyryn (2011 jyldan bastap), óńesh jáne asqazan obyryn, erkektik bezi obyryn, gepatotsellıýlıarly kartsınoma (baýyr isigi) obyryn (anyqtaýǵa arnalǵan tekserister.
Onkologııa jáne radıologııa qazaq ǵylymı-zertteý ınstıtýtynyń málimetinshe, 2014 jyly osy atalǵan skrınıngter boıynsha 2,3 mln. qazaqstandyq tekseristen ótkizilip, nátıjesinde 2 myńnan astam qaterlik isik jaǵdaılary tirkeldi. ıAǵnı, árbir tekserilgen 1000 adamnan obyrǵa shaldyqqan 1 adam anyqtalyp, anyqtalý kórsetkishi 0,1paıyzdy qurady. Bul 2013 jylǵy sáıkes kórsetkishten 1,4 esege kóp. Alǵash anyqtalǵan qaterli isik jaǵdaılarynyń ishinde úshten biri I satyda, jartysynan astamy II satyda bolyp, erte kezeńde anyqtaý kórsetkishi 84,5 paıyzdy qamtydy.
Skrınıng barysynda qaterli isik aýrýlarynan basqa qatersiz isikter jáne obyrǵa aparýy múmkin aýrýlar (jaralar, jabysqaq, dısplazııa jáne t.b.) anyqtalady. Jalpy 2014 jyly 79 myńnan astam osyndaı aýrýlar belgili boldy. Qatersiz isik bary anyqtalǵan azamattardyń 95 paıyzdan astamy ári qaraı saýyqtyrý sharalaryn ótkizý úshin «D»-esepke alyndy.
Eske sala keteıik, skrınıngtik medıtsınalyq tekserister qaterli isik aýrýlarynyń aldyn alýda jáne erte anyqtaýda barynsha tıimdi ádis bolyp tabylady. Búgingi tańda otandyq densaýlyq saqtaý uıymdary aýrýy erte kezeńde anyqtalǵan naýqasty dertinen aıyqtyrýǵa qajetti ozyq tehnologııalarǵa ıe.
