Onkologııalyq aýrýda shekara joq – vengrııalyq dáriger
ALMATY. QazAqparat - «Qazaqstan onkologııasy. Keshe. Búgin. Erteń» halyqaralyq konferentsııasynyń ashylýynda Ortalyq-Shyǵys Eýropa onkologııa akademııasynyń prezıdenti Zoltan Matraı is-sharanyń mańyzdylyǵyn atap ótti, dep habarlaıdy QazAqparat tilshisi.
Dárigerdiń aıtýynsha, onkologııa salasyndaǵy bul konferentsııa kásibı bilim men tájirıbeni keńeıtýge múmkindik beredi.
«Bizdiń Akademııa ótken jyldyń maýsym aıynda quryldy. Akademııany Shyǵys Eýropa elderi qoldady. Onyń basty maqsaty - onkologııa salasyndaǵy kásibı deńgeıdi jaqsartý jáne eldegi onkologııalyq emdeýdiń tıimdiligin arttyrý, mamandardyń halyqaralyq tájirıbesin jınaqtaý. Sondaı-aq, qaterli isik aýrýlarynyń aldyn alý, dıagnostıkalaý, emdeý jáne zertteýler salasyna kúsh salý», - dedi ol.
Sonymen qatar, qazirgi kezde onkologııa mańyzdy problemaǵa aınalǵanyn atap ótti.
«Onkologııalyq aýrýda shekara joq. Ár elde jaǵdaı ártúrli. Biraq maqsat bireý - bárimiz bul aýrýmen kúresýimiz kerek. Men tanymal qazaqstandyq onkologtarmen áriptestik qarym-qatynas ornatqanymyzǵa rızamyn. Men úshin bul konferentsııaǵa qatysý úlken mártebe. Shara barysynda tájirıbe almasyp, bilimimdi jetildiremin dep oılaımyn. Bolashaqta biz onkologııany zertteý salasynda birqatar birlesken jobalardy júzege asyra alamyz dep úmittenemin», - dedi Zoltan Matraı.
Aıta keteıik, Almatyda «Qazaqstan onkologııasy. Keshe. Búgin. Erteń» atty halyqaralyq konferentsııa ótip jatyr.
