Onkologııa men qant dıabetine shaldyqqandarǵa arnalǵan dári-dármek jetkilikti me
NUR-SULTAN. QazAqparat – Ortalyq kommýnıkatsııalar qyzmetinde ótken onlaın brıfıngte qalalyq ınfektsııalyq ortalyqtyń basshysy Tatıana Tsechoeva koronavırýstyń ekinshi tolqyny bolǵan jaǵdaıda onkologııalyq derti barlar men qant dıabetine shaldyqqandarǵa arnalǵan dári-dármek jetkilikti ekenin aıtty, dep habarlaıdy QazAqparat tilshisi.
«Men qatysyp júrgen koronavırýsqa qatysty jınalystarda onkologııa men qant dıabetine shaldyqqandarǵa arnalǵan dári-dármekke qatysty másele basty nazarda bolmaıdy. Sebebi mundaı dertpen aýyratyndarǵa arnalǵan preparattar jetkilikti mólsherde bar», - deıdi Nur-Sultan qalalyq ınfektsııa ortalyǵynyń basshysy Tatıana Tsechoeva.
Sondaı-aq atalǵan jıynda QR DSM Ulttyq ftızıopýlmonologııa ortalyǵy dırektorynyń orynbasary Lázzat Eralıeva koronavırýs týraly aıtqan kezde bir adam qansha adamǵa juqtyrýy múmkin ekenin umytyp ketetinimizdi aıtty.
Onyń sózine sensek, qyzylshamen aýyratyn naýqas - 8 adamǵa deıin, qyzamyq aýrýymen aýyratyn naýqas - 6 adamǵa deıin, al koronavırýspen aýyrǵan naýqas - 4 adamǵa deıin juqtyrýy múmkin. Bul maska taǵý, qoldy sabynmen jýý, áleýmettik qashyqtyq saqtaýdyń qanshalyqty mańyzdy ekenin kórsetedi.
«Tipti koronavırýspen aýyrǵan adam lıftide bolsa, ol shyǵyp ketkennen keıin kirgen adamdar 15 sekýnd ishinde juqtyryp alýy múmkin. Degenmen, koronavırýstan asa qorqýdyń qajeti joq. Naýqas ózin jaısyz sezine bastasa, qolyna qaǵaz ben qalam alyp tynys alýy, dene qyzýy jáne taǵy da basqa sımptomdardy tizip jaza berýi kerek. Ary qaraı dáriger emdelý jolyn kórsetedi. Balalardyń 80%-ynda bul dert jeńil ótkenimen, jazylyp ketse de, kópjúıeli qabyný sındromy paıda bolady. Sondyqtan bala saýyǵyp ketse de, bir apta boıy onyń densaýlyq jaǵdaıyn qadaǵalaý kerek», - deıdi ol.
