Onkolog mamandar skrınıngtik tekserýden qanshalyqty jıi ótý kerektigin aıtty
ALMATY. QazAqparat - Qazaq Onkologııa jáne radıologııa ǵylymı zertteý ınstıtýtynda onkogınekologııalyq aýrýlardy birinshi kezeńinde anyqtaýǵa arnalǵan ashyq esik kúnderi ótti, dep habarlaıdy QazAqparat tilshisi.
Bul shara jatyr moıny qaterli isiginiń aldyn alý onkúndigine arnalǵan.
Áıelder onkolog mamandardyń tegin qabyldaýynda bolyp, qajetti dıagnostıkalyq tekserýden ótti.
«Qazaqstanda jatyr moıny qaterli isigi sút bezi qaterli isiginen keıingi ekinshi orynda tur. Jylyna 1700 áıel jatyr moıny dertine shalynsa, 600 áıel sol dertten kóz jumady eken. Kóbinese 40-44 jastaǵy kelinshekter shaldyǵady», - dedi ınstıtýt dırektory Dılıara Qaıdarova.
Qazaqstanda 2008 jyldan bastap jatyr moıny qaterli isigin anyqtaıtyn Ulttyq skrınıngtik baǵdarlama jumys istep tur.
30-70 jastaǵy ár áıel 4 jylda bir jatyr moınynan PAP-test túrinde skrınıngten ótýi tıis. Tekserý turǵylyqty mekenjaıy boıynsha emhanada tegin jasalady.
