Onışenko Chıtada «dońyz tumaýynan» adam qaıtys bolǵanyn qýattady
ASTANA. Qazannyń 27-si. QazAqparat - Chıtada «dońyz tumaýy» dıagnozy qoıylǵan eki áıel kóz jumdy, dep habarlady reseılik «Vestı 24» telearnasy «Rospotrebnadzor» agenttiginiń basshysy Gennadıı Onışenkoǵa silteme jasap.
G.Onışenkonyń aıtýynsha, 29 jáne 50 jastaǵy eki áıel qaıtys bolǵan, olardyń bireýi aıy-kúni jetip otyrǵan júkti áıel bolǵan. Dáriger bar kúsh-jigerlerin salǵanymen, balany aman alyp qala almady. «Eki áıeldiń A/H1N1 dıagnozy qýattaldy, ekeýiniń de ókpesi qabynǵan bolyp shyqty»,- dep málim etti G.Onışenko.
Bul - vırýstyń atalmysh shtamynan qaıtys bolýdyń Reseı aýmaǵynda resmı tirkelgen alǵashqy oqıǵalary.
Dúnıejúzilik densaýlyq saqtaý uıymynyń málimetterine súıensek, qazannyń 16-syndaǵy jaǵdaı boıynsha álemde A (H1N1) vırýsyn juqtyrýdyń zerthanalyq rastalǵan oqıǵasy 387 myńnan asady, onyń ishinde 4 myń 820 oqıǵa kisi ólimimen aıaqtalǵan.
