Óńirlik jalpy ónim jarty jylda 11 paıyzǵa ósti - BQO ákimi
ASTANA. QazAqparat - «Aǵymdaǵy jyldyń 6 aıynda Batys Qazaqstan oblysynyń óńirlik jalpy ónimi 11 paıyzǵa ósti. Bul týraly búgin Ortalyq kommýnıkatsııalar qyzmetindegi brıfıngte Batys Qazaqstan oblysynyń ákimi Altaı Kólginov aıtty, dep habarlaıdy QazAqparat.
«Óńirdiń jalpy ónimi jarty jylda 11 paıyzǵa ósip, 990 mlrd teńgeni qurap otyr. 9 aıdyń qorytyndysynda ónerkásip ónimniń kólemi - 1,4 trln teńgeni qurap, ósim 9,2 paıyz kóleminde baıqalady. Sonyń ishinde taý-ken óndirisinde 10 paıyz, óńdeý ónerkásibinde 3 paıyz ósim bar. Óńirimizde qurylys qarqyny joǵary. Bul salada 5 paıyzdan astam ósim bar. Negizgi kapıtalǵa ınvestıtsııa kólemi 245 mlrd teńgege jetti. Bul ótken jylmen salystyrǵanda tómendeý»,- dedi ol.
Osy rette óńir basshysy bul tómendeý óńirdegi eń iri óndiris oshaǵy Qarashyǵanaqta úsh jylda bir bolatyn jóndeý jumystaryna baılanysty oryn alǵanyn aıtty.
«Indýstrııalandyrý kartasy boıynsha bıyl 10 ınvestıtsııalyq joba iske qosylýy josparlanǵan, onyń jeteýiniń jumysy aıaqtaldy. Qalǵan úsheýi jyldyń sońyna deıin iske qosylatyn bolady. Jalpy osy jobalardyń ınvestıtsııa kólemi 8 mlrd teńgeni quraıdy. 600 jańa jumys orny ashyldy», - dedi Altaı Kólginov.
