Óńirlik teatrlardyń repertýaryn túrlendirý qajet - A.Muhamedıuly
«Ońtústik Koreıada tek respýblıkalyq emes, sonymen birge jeke teatrlar da eldiń Mádenıet mınıstrligine repertýar saıasatymen birge qarjylyq qyzmeti jaıynda da esep beredi. Al bizde mundaı qatań talap joq. Degenmen, reperýtarlyq saıasatta memlekettik yqpal bolýy tıis», - dedi ol.
Mınıstrdiń aıtýynsha, elimizdiń kóptegen óńirlik teatrlarynyń rejısserleri negizinen jergilikti batyrlardy sahnalaýǵa áýes. Sondyqtan olardyń repertýarlaryn túrlendiretin ýaqyt jetti.
«Men 6 jyl Óner akademııasynyń rektory boldym. Biz jas talanttardy óńirlerge jibergen kezde Ánýar Moldabekov te, Oleg Tabakov ta óner jolyn óńirlik teatrdan bastaǵanyn aıtyp kóndiretinmin. Al olar 1 jyldan keıin qaıtyp kelip: «Aǵaı, qaıdaǵy Shekspır, qaıdaǵy Aıtmatov? Biz dırektordyń pesasyndaǵy jergilikti batyrdyń rólin somdaımyz», deıdi. Árıne, shyǵarmashylyq turǵydan ósý úshin árkim de barynsha qolaıly jaǵdaıdyń bolǵanyn qalaıdy. Sondyqtan da jastar Almaty men Astanaǵa oralady», - dedi mınıstr.
